Italiami aputip sisoorneratigut inuit 30-t tungaannoortut ajunaartut
Italiap qeqqani qaqqamit aputip sisoorujussuarnerata kingorna akunnittarfik aqqutalugineqarpoq, inuppassuillu ajunaarsimanissaat aarleqqutigineqalerpoq.
Toqqorsivimmit
Allattoq Ritzau
januaarip 19-at 2017 08:12
Nutserisoq Bikki P. Kleist
Italiami tusagassiorfiit arlallit allaaseraat.
Akunnittarfiullu illutaata annersaa nakkaassimavoq apummillu mattussaaqalluni.
DR.DK allaaserisaqarpoq.
Ikiuiartortut ullaassaq anngummata inunnik annaassiniarput, inuppassuillu ajunaarsimanissaat, annaasiniartut pisortaat oqarpoq. Massakkullu annaassiniarluni aputaajaasoqaleruttorpoq.
Inuit 30-t maqaasineqartut Italiami pisortat nalunaarutigaat. Sulili inuit qassit ajunaarsimanersut qulakkiivinneqanngilaq.
Italiamili tusagassiorfiit oqaatigaat akunnittarfimmiittut 22-usut arfineq marlullu sulisuullutik.
Italiami ippassaq nunap sajuppoq, sajunneralu Rommimi allaat malugineqarsinnaasimalluni, Nunanut allanut tungasunik aaqqissuisoq, Niels Kvale oqarpoq.
