Isummersorfiup danskisoortaa aallakaatinneqassanngilaq

Oqallinnermik aallakaatitassiap Isummersorfiup danskisoortaa nal. 20.30 aallakaatinneqartartoq taamaatiinnarneqarpoq.

Tatumatumunnga taarsiullugu oqallinnermik aallakaatitassiaq toqqaannartumik oqaluttaaffigineqarluni KNR 2-kkut nal. 20 aallakaatinneqassaaq.

Aalisarneq pillugu inatsisissatut siunnersuutip oqallisiginissaata danskisoortaa, aallakaatitassiap pitsaassusissaa aaqqissuisoqarnikkut isumaliutigereerlugu KNR-ip nutaarsiassaqartitsiviata taamaatiinnarniarlugu toqqarpaa.

Aallakaatitassiap danskisoortaata Naalakkersuisunit peqataaffigineqarusunnginnera Naalakkersuisunit nalunaarutigineqareersoq tamanna isumaliutigineqarpoq.

Taamaammat KNR naliliivoq - innuttaasunik kiffartuussinissamik pisussaaffeqarneq naapertorlugu - aallakaatitassiap kalaallisoortaata toqqaannartumik danskisuunngorlugu oqaluttaaffigineqarnissaa naleqqunnerussasoq.

Isummersorfik toqqaannartumik oqalutseqartillugu sisamanngornermi nal. 20 isiginnaarneqarsinnaavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!