Nukâka: Isumatsassimaarnerup anaanaalluanngitsutut misigitippaanga
Nukâka ukiut qulit matuma siorna qasusoorujussuaqqasimavoq, misigisimasanilu suli eqqaamalluarpaa.
- Anorersuup qeqqaniilluni ilungersunaqaaq, ersinaqaaq uangaalluni, Nukâka oqarpoq.Ataatsimeersuartoqarnerani tarnikkut napparsimanermi nalaani misigisaminik allat oqaluttuukkiartorlugit peqataavoq,
- Misigivunga kisimiillunga. Misigivunga suujunnaarlunga atorfissaqarnanga, anaanaalluarnanga. Sakkortoorujussuuvoq tassaniilluni, kisimiittutut misiginaqaaq assut.
Tarnikkut napparsimanerminit ingerlariaqqinnissaminut qujanartumik ikiorneqarpoq. Taamalu napparsimasumik naapeqateqartarneq immikkut pingaaruteqarsimavoq.
- Avitseqatigimmanga uanga eqiiallappunga. Nårh okay, uanga annilaanganerup iluaniikkaluarlunga eqqarsarpunga: Uanga aamma iluarsisinnaavunga nuannaarlunga inuuleqqissinnaavunga.
Qanoruumit ilanngutassiaq tamaat qulaani takuuk.