Assi: KNR

Isumasioqatigiinneq sapaatit akunneranni uani eqqartorneqassasoq

Aalisarnermut piniarnermullu ataatsimiititaliap sapaatip akunnerani matumani paasiniassavaa tallimanngornermi aalisarnermut inatsit pillugu ataatsimiikkasuarnerup qanoq inerneqarnissaa.

Ataatsimiititaliap aalisarnermut piniarnermullu naalakkersuisoq piffissakitsittorujussuutillugu isumasioqatigiinnissamut tallimanngornerup ualinerani aggersarpaa.

Karl Kristian Kruseli pissarsiassaasimanngimmat isumasioqatigiinnissaq unnukkut arfineq pingasut qeqqanut pisussanngorlugu kinguartinneqartariaqarsimavoq.

Ataatsimeeqatigiinnermi tassani ataatsimiititaliamut ilaasortat naalakkersuisumut apeqquteqarnissamut periarfissinneqarput.

AAMMA ATUARUK Karl-Kristian Krusemik isumasioqatigiinneq matoqqasoq

Ataatsimiinnermili suut angusarineqarsimanersut ilisimanngilarput. Ataatsimiitaliami ilaasortat oqaaseqarusunngillat.

Siulittaasoq Hans Aronsen, Inuit Ataqatigiit, siulittaasullu tullia Nivi Olsen, Demokraatineersoq oqaaseqarusunngillat, nalunaarlutillu ilaasortat isumaqatigiissimasut ataatsimiinnermit tusagassiuutinut oqaaseqarusunnatik.

Aalisarnermut ataatsimiititaliameersut maanna tunuliaqutitik isumasioqatigissavaat, sapaatip akunneratalu matuma ingerlanerani ataatsimut isumasioqatigiissimanermit oqaaseqaateqarniarlutik, siulittaasup tullia KNR-imut taama oqarpoq.

AAMMA ATUARUK Karl Kristian Kruse isumasioqatigiinnissamut takkutinngitsoortoq

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!