Isumannaatsuuneq pitsaassuseq siunertarineqartullu nalunnginnissaat
Taama isumaqarpoq Canada-mi Nova Scotia-mi suliffeqarfimmi Kisserup-imi pisortaq, taassuma suliffeqarfiit mikisut akisussaassutsip ineriartortitsinneqarnissaannik ukiuni 15-ni suliaqarpoq.
Suliffeqarfimmik Kisserup-imik aallartitsisoq pisortarlu Pernille Boulter Nuummi ataatsimeersuarnermi "Future Greenland"-imi peqataaqqamerpoq.
Ataatsimeersuarnermi oqaluttuaraa, New Foundland-imi Labrador-imi Nunavummilu suliffeqarfiit mikisut suliffeqarfissuarnik uuliasiornermik gas-imik qalluinermik aatsitassanillu piianermik suliaqartunik sullisiniarlutik qanoq iliorsimanerannik
Canadami suliffeqarfiit mikisut assersuutitut saqqummiunneqartut takutippaat, suliffeqarfiit mikisut suleqatissatut piukkunnarluartuusut imminullu akilersinnaalluartoq,
Pernille Boulter oqarpoq, imaanngitsoq suliffeqarfiit nalinginnaasumik uuliasiornermik gas-mik qalluinermik aatsitassanillu piaanermik suliaqartuussasut , Pernille Boulter oqarpoq.
Taana suliffeqarfinnut nunatsinniittunut kaammattuuteqarpoq, suliffeqarfiit miikisut paasiniaassapput suut suliarisinnaanerlugit aamma suut pitsaanerusumik suliarisinnaanerlugit, sulianik angisuunik suliaqartunut sullissisinnaalernissartik angusinnaaniassagunikku, suliffeqarfinnit nunanit allaaneersunit inangerneqannginnissartik kissaatigigunikku Pernille Boutler oqarpoq,
Canada-mi suliffeqarfik mikisoq pisinnaasani iluaqutigalugit suliffeqarfissuarmik angisuumik iluatsittumik sullissileraneranik kinguneqartoq assersuutitut saqqummiuppaa:
Suliffeqarfik mikisoq aalisakkerinermik suliaqartoq, taanna uuliasiornermut gas-imik qalluinermut aatsitassanillu piianermut pingaarutilittut takorloorneqarsinnaanngikkaluarpoq.
Suliffeqarfinnguaq taanna imerpalasup naqitsineranut hydraulik-imut tunngassuteqartunik ilisimasaqarpoq aamma svejserinermik suliaqartarluni, taannalu sulianik annikitsuakkuutaanik uuliasortitsivissiorssuarmik Exxon-imik sullissivoq.
Suliffeqarfinnguup taassuma iluatsittumik ingerlasimanera Kalaallit Nunaanni suliffeqarfinnut periarfissiissaaq assersuutigalugu London Mining saviminissamik piianissamut akuerineqarpat, Pernille Boulter oqarpoq.
Amerlasuunit ilimagineqarsinnaanngikkaluarpoq tassalu sullinissamut akigitinneqartoq pingaaruteqartuusoq tamannali pingaarnerunngitsoq Pernille Boulter isumaqarpoq.
