Assi: KNR

Vivian Motzfeldt: Isumalioqatigiissitaq nunatta naalagaaffinngornissaanut sulissutiginnilersoq

Isumalioqatigiissitap tunngaviusumik inatsisissaq nunatta naalagaaffinngornissaanut  atuuttussaq suliarissallugu aalajangiuppaa. Tunngaviusumik inatsisissaq pillugu Isumalioqatigiissitami siulittaasoq,  Vivian Motzfeldt Qanoruumit tallimanngormat apersorneqarluni taama oqarpoq.

Tunngaviusumik Inatsisissaq pillugu Isumalioqatigiisitap Kalaallit Nunaata Tunngaviusumik Inatsisissaanut siunnersuut immikkoortunut marlunnut piffissami marlunni assigiinngitsunut tunngaviusussamik siunnersuusiussaaq.

AAMMA ATUARUK Tunngaviusumik inatsisissamut isumalioqatigiissitap sulinera aallartippoq

Isumalioqatigiissitap sulinissaannut najoqqutassaanik, Naalakkersuisut allapput, tunngaviusumik inatsisissaq immikkoortunut marlunnut suliarineqassasoq, aappaa danskit tunngaviusumik inatsisaata ataani atuuttissaaq aappaalu Kalaallit Nunaat namminersulivippat atuutilissalluni.

- Isumalioqatigiissitap nammineerluni suleriaasissani aalajangertussaavaa. Isumalioqatigiissitap piffissaliussaq qanoq atussanerlugu aalajangertussaavaa soorluttaaq sivitsuinissamik pisariaqartitsisoqarpat tamanna pisinnaasoq ersarissarneqarpoq. Namminiilivinnermut Naalakkersuisoq, Suka K. Frederiksen taama allappoq.

AAMMA ATUARUK Tunngaviusumik inatsisissatut siunnersuut isumaqatigiinngissutaasoq

Naalakkersuisut oqariartuutigaat, Isumalioqatigiissitap nammineerluni qanoq suleriaaseqassanerluni kiffaanngissuseqarfigissagaa. Isumalioqatigiissitami siulittaasoq, Vivian Motzfeldt oqarpoq.
- Isumalioqatigiissitami ilaasortanngortut tamarmik kissaatigaat, tunngaviusumik inatsit  nunatta naalagaaffinngortinneqarpat atuutilersinneqassasoq, Vivian Motzfeldt oqarpoq. 

AAMMA ATUARUK Tunngaviusumik inatsisissamut isumalioqatigiissitaq ulapittussaassasoq

Tunngaviusumik inatsisissaq pillugu isumalioqatigiissitaq tallimanngormat ataatsimiippoq. 
“Namminiilivinnissaq angutserlugu sulinissaq kikkut tamat pisussaaffigalugulu pisinnaatitaaffigaat. 
Isumalioqatigiissitami ataatsimeeqqaarnerput persuarsiorluta aallarnerparput inuiattut erinarsuutitsinnik atuilluta, oqaluttuarisaanermi alloriarfik pingaaruteqangaarpoq. Inuiaat kalaallit pilluaritsi, alloriarfiit pingaarnersaat ikaarsaarfigineqarpoq. Ilissi ilagalusi Tunngaviusumik inatsisissarput ilusilersussavarput, tamatta piginnittooqataaffigisavarput. ” Isumalioqatigiissitaq taama nalunaaruteqarpoq.

AAMMA ATUARUK Tunngaviusumik inatsit ukiut marluk pingasut qaangiuppata piareersimassaaq

 

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!