Isumaginniffik paatsiveqanngitsoq
septembarip 27-at 2005 18:15
Nuup kommuneata inunnik isumaginninnermut allaffia paatsiveqanngilaq, A/G ullumi saqqummersoq atuagassiivoq.
Aviisimi oqaluttuarineqarpoq 2004-mut naatsorsuutit kukkunersiuisut misissoramikkit paasisimagaat inunnik isumaginninnermi suliat naamaginartumik aqunneqarsimanngitsut.
Tamatumunnga pissutaanerit ilagaat sulisut taarseraannerujussuat, taamalu suliap inummit inummut assigiinnginnera, tamatuma inerneralugu isumagisat ilaat oorinik pivallaarsimasut ilaallu amigartumik.
2004-mi sullississutit niaqoqaratillu pamioqangillat kommunep aningaasanik atuisimaneranut paasissutissat uppernarsaatissallu amigaataammata, kukkunersiuisut A/G-mit issuarneqarput.
