Politikki Inuussutissarsiutit

Isukasiani pilersaarutip iluatsinngitsoortussanngornera Sermersuumi ugguarineqartoq

Kommuneqarfik Sermersuup aningaasaqarnera ajornartorsiorpoq, siunissaq isigalugu neriuutigineqarsimavoq aatsitassarsiorfiit marluk suliffissanik pilersitsinissaat, Qeqertarsuatsiaani rubinisiorfik Isukasianilu saviminissarsiorfik. Isukasianili aatsitassarsiorfissaq pillugu nutaarsiassaq nuanninngitsoq maanna takkuteqqippoq.

Allattoq Niels Krogh Søndergaard

novembarip 25-at 2014 14:03

Nuup kangerluata qinnguani saviminissarsiornissamut akuersissut naleqanngilaq. Pilersaarut pillugu tuluit aningaasaliisuisa ilaat Anglo Pacific Group naliliivoq. Ingerlatsivik London Miningimik piginneqataavoq, Politiken naapertorlugu qanittukkut ukiumoortumik naatsorsuutiminni allassimaneragaapput piiaasinnaanermut akuersissut 140 millionit koruuninik naleqarunnaarluni maanna 0 koruuninik naleqartoq, pilersaarutip nalorninartorsiornera pissutigalugu.

Aatsitassarsiorneq pillugu immikkut ilisimasalik Politikenimut oqarpoq Isukasiani savinissarsiorneq akisuallaassasoq.

Aamma atuaruk Isukasiani saviminissamik piiaavissaq piviusunngortussaajunnaartoq

Isukasiani pilersaarutip iluatsinngitsoortussanngornera Kommuneqarfik Sermersuumi ugguarineqarpoq.

- Soorunami ilimagisatsinniit pilersaarutip ingerlalluannginnerunera isumaqarpugut ugguarnartuusoq, Inuussutissarsiornermut ataatsimiititaliap siulittaasua Iddimanngiiu Bianco oqarpoq.

- Aatsitassarsiorfissaq illersorniarlugu sulingaatsiarsimavugut, Sermersuumimi maannakkorpiaq suliffissanik amigaateqarpugut, Iddimanngiiu Bianco taama oqarpoq.

Taanna Kommuneqarfik Sermersuumi Inuussutissarsiornermut ataatsimiititaliami siulittaasuuvoq, Inuit Ataqatigiillu sinnerlugit qinigaalluni.