Issittup imartaa aatsaat taama sikuunngitsigisoq
- Issittup imaata sikua februaarimi 14,33 millionit kvadratkilometerinik annertutigaaq. Tamanna oqaluttuarisaanermi 2011-mi annikinnerpaaffigisaanit 200.000 kvadratkilometerit missaannik annikinneruvoq, DMI-mi sikumik ilisimatusartoq, Rasmus Tonboe oqarpoq.
Sanilliussissagaanni Tuluit Nunaat 200.000 kvadratkilometerinit annertunerulaarpoq.
AAMMA ATUARUK Issittup imartaa aatsaat taama sikuunngitsigisoq
Immallu sikuata annikinnera tupaallannanngitsoq, sikumik ilisimatusartup oqaatigaa.
- Ukioq 2018 annikitsuararsuuffiusumik aallartippoq, januaarimilu annertussusaa ukiup taamaalinerani aatsaat taama annikitsigaluni. Tamatumalu kingorna Issittumi februaarimi nalinginnaasuunngilluinnartumik kiappoq. Ilaatigut nunarsuarmi silamik uuttortaaviit avannarpasinnerpaartaanni Kap Morris Jesupimi Kalaallit Nunaata avannaata sineriaaniittumi arfinilinnik kiallatsiarpoq.
- Tamatuma saniatigut Kalaallit Nunaata avannaani immap sikuiuitsuusaraluartup ilaa sikuunngitsoq takuarput, Rasmus Tonboe nassuiaavoq.
AAMMA ATUARUK Sikuiuitsup Kujalliup imartaani aatsaat taama sikuunngitsigaaq
Siku nunatta avannaanit anorimit ingerlaartinneqarpoq, taamaalillunilu imaq annertooq ukioq tamaat sikuusaraluartoq sikuujunnaarluni, Rasmus Tonboe DMI-p nittartagaani oqarpoq.
Qanoq sikoqartiginera qaammataasiat atorlugit 1979-imiilli nalunaarsorneqartarpoq.