Issittumi Siunnersuisoqatigiinni atorfilittat ataatsimiittut
Ilisimatuussutsikkut paasisat tunuliaqutaralugit Issittumi Siunnersuisoqatigiinni ilisimatuussutsikkut politikkikkullu ataatsimiititaliani Issittumi Siunnersuisoqatigiinni siulittaasut Canada, aamma Danmark/Kalaallit Nunaat, Finland, Norge, Sverige, Rusland kiisalu USA ullut marluk ingerlaneranni nalunaarusiussapput.
Issittumi CO2-mik aniatitsinerup annikillisarneqarnissaa pillugu sulinermi maannamut angusat pillugu ilaatigut nalunaarusiortoqassaaq, Issittumi nerisat saffiugassanik oqimaatsunik mingutsinneqarnerat, Issittumilu Siunnersuisoqatigiit ataatsimeersuarnissaannut atatillugu uumassusillit pillugit nalunaarusiortoqassaaq, uumassusillit ulorianartorsiortut pillugu nalunaarusiortoqassalluni.
Silap pissusiata allanngoriartornerata Issittumut sunniutai, uuliamillu maqisoortoqannginnissaa pillugu ilungersuuteqarnerup killiffia aamma nalilersorneqassaaq.
Yellowknifemi ataatsimiinneq ullumi aallartissaaq, aqagulu naammassineqassalluni. Siunnersuisoqatigiinni siulittaasut Canada, Nunavummi Iqalunni aappaagu apriilip ulluisa 24-anni 25-annilu ataatsimeersuartoqarnissaannut qaaqqusipput, ataatsimeersuartoqarnissaanullu atatillugu piareersaasiortoqarnissaa pillugu Yellowknifemi ullumi aqagulu ataatsimiittoqassalluni.
