VIDEO Sakkutuut umiarsuaat: Sikup asersorterneqarnissaanut aalisartut kissaatigisaat suliarissavarput
Sisimuini aalisartut Issittumi sakkutooqarfimmut Nuummiittumut saaffiginnipput Sisimiut umiarsualiviani siku aserorterneqarsinnaanersoq aperisut Søren Søren Tversted oqarpoq
Saaffiginnissutit issittumi sakkutooqarfiup aalajangiiffigisarpai, tassangaaniillu qinnuivigineqarpugut - Sisimiut eqqaaniinnerput iluatsillugu - siku Sisimiut umiarsualivianiittoq aserortersinnaaneripput.
Siku Sisimiut umiarsualivianik assersuisoq Issittumi sakkutooqarfiup umiarsuaanik Triton-imik ullumi aserorterneqassaaq, taamaalillutik angallatit aalisariutinik anginerusut aalisariarsinnaaniassammata.
Taakkuali angalanerat namminneq akisussaaffigissagaat umiarsuup naalagaa Søren Tversted oqarpoq, taannalu siunnersuuteqarpoq.
Tassalu umiarsuaq Triton avataanut aallareerpat aalisariutit aatsaat aallassasut taanna siunnersuuteqarpoq.
Umiarsualivittoqamit aalisartut talittarfiata tungaanut siku asertissavarput.
Umiarsuaq Triton umiarsualivimmut pulappat angallatit aalisariutillillu allamut nuunneqassapput, sikup piiarneqarnerani angallatit illikartinneqassammata, umiarsuarsuup Tritonip naalagaa Søren Tversted oqarpoq.
Issittumi sakkutooqarfiup suliassaasa ilagisarpai sikumik aserorterisarneq.
Sakkutooqarfiup umiarsuaasa Royal Arctic Line-ip umiarsuaannik arlalinnik ikiuisarpoq.
Umiarsuullu naalagaata KNR-imut nassuiarpaa saaffiginnissutigineqartut nalilersorneqartartut taakkua ikiortariaqarnersut nalilersuiffigineqartarlutik.
Tassanilu apeqqutaasartoq Issittumi Sakkutooqarfiup umiarsuai qanittumiinnersut.