Issittumi ineriartortitsinissaq politikerit oqaluuseriniaraat

Issittormiut aningaasarsiornikkut imminnut napatissinnaasunngorlugit ineriartortinnissaat qanoq qulakkeerneqarsinnaava? Politikerit immikkullu ilisimasallit Nunatsinneersut, Savalimmiuneersut Danmarkimeersullu Københavnimi ataatsimeersuarnermi tamanna oqaluuserissavaat.

Ataatsimeersuarneq qulequtaqartoq “The SDGs in the Arctic: Local and Global Perspectives” Christianshavnimi Eigtveds Pakhusimi decembarip aallaqqaataani ingerlanneqassaaq.
 
Danskit nunanut allanut tunngasunut ministereqarfiat ataatsimeersuartitsissaaq. Naalagaaffiillu Peqatigiit 2030-mut piujuartitsinissamik tunngaveqartumik ingerlatsinissamut anguniagaannut killiliussat iluanni Issittumi aningaasarsiornikkut ineriartortitsinissamut periarfissat sammineqassapput.

Anguniakkat ilagaat piitsuussuseq tamarmi piujunnaarsinneqassasoq, inuit kikkulluunnit ilinniagaqarsinnaassasut, imermik minguitsumik peqqinnissamullu tunngasunik pissarsisinnaassasut, kiisalu aamma atuinerup suliffissualersuinerullu piujuaannartitsinissamik tunngaveqartumik siuarsaaffigineqassasut.
 
Aningaasarsiornikkullu imminut napatissinnaasumik ineriartortitsinissaq danskit naalakkersuisuisa nunanut allanut sillimaniarnikkullu 2017-2019-imut iliuusissaannut aamma ilaavoq.

AAMMA ATUARUK Danskit naalakkersuisui Issittumi aningaasarsiornikkut siuarsaaniartut

AAMMA ATUARUK Danskit nunanut allanut politikkiat nersualaarneqarlunilu isornartorsiorneqartoq

Oqalugiartussat pingaarnerit ilagaat kunngissaq Frederik, nunanut allanut naalakkersuisoq Suka K. Frederiksen aamma aningaasaqarnermut akileraartarnermullu naalakkersuisoq Aqqaluaq B. Egede, danskit nunanut allanut tunngasunut ministeriat Anders Samuelsen, Savalimmiormiut nunanut allanut inuussutissarsiornermullu naalakkersuisuat Poul Michelsen kiisalu Naalagaaffiit Peqatigiit suliniutaanni Global Compactimi, suliffeqarfiit inuiaqatigiinnut akisussaaffeqarnerinik piujuaannartitsinissarlu tunngavigalugu ineriartortitsinermik nunarsuaq tamakkerlugu suliniutaasumi pisortaq, Lise Kingo.

Tamatuma saniatigut suliffeqarfinnit namminersortuneersut pisortallu suliffeqarfiutaannersut arlallit aamma qaaqquneqarsimapput.

AAMMA ATUARUK Nunarput piutillugu USA-mut attaveqarneq ajornannginnerusoq

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!