Issittumi ilisimatusarnermi suleqatigiinnissaq isumaqatigiissutigineqarpoq

Issittumi ilisimatusarnermik ingerlatsineq suli annertunerusumik nukittorsaaviginiarneqalerpoq, soorlu aamma ilinniartitaanerit taama pineqarniartut. Arctic Science Partnership, ASP-mik naalisarneqartartoq, tassa Issittumi ilisimatusarnerit pillugit peqatigiiffik, tusagassiuutinut taama allappoq.
Allattoq Carla Davidsen
juulip 07-at 2012 16:10

Pinngortitaleriffik, Nuuk, University of Manitoba, Canadamiittoq, aamma Aarhus Universitet, suleqatigiinnissamik isumaqatigiissummik aqagu atsioqatigiissuteqassapput.

Kalaallit Nunaanniit, Canadamiit Danmarkimiillu ilisimatusarnikkut suleqatigiilernermi nutaami Issittumi ilisimatusartartut nunarsuatsinni nuimanerpaat 200-t ataqatigiissinneqassapput suleqatigiilluarnerulersinneqarlutillu.

Qulequttat suleqatigiissutigineqartussat siammasissorujussuussapput, peqqissutsimut, inuiaqatigiit aningaasarsiornerannut avatangiisinut- silallu pissusaata allanngoriartorneranut tunngassuteqartunut attuumassuteqassallutik.

ASP-mik isumaqatigiissuteqarnerup siunertaa pingaaruteqartoq tassaavoq Issittoq pillugu ilinniartitaanerit ilisimasallu Issittumi suli annertunerusumik sunniuteqarnerunissaat anguniarneqarmat. 

Tassa ilinniartut nunat pineqartut ilisimatusarfeqarfiini ilinniartitsissutini assigiinngitsuni siunissami peqataasalersinnaassapput, taamaalilluni ilinniartitaanikkut periarfissat pitsanngorsaavigineqassallutik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq