Issittumi arsaattarfissuassaq tusaamasamit titartarneqassasoq

Issittumi arsaattarfissamik Nuummiittussamik titartaanissamik suliakkinneqartut tassaapput Illuliassanik titartaasartoqatigiit silarsuarmi tusaamasap Bjarke Ingelsip titartaasartoqatigiivi, BIG Group.

Naluttarfiup ikuallaaviullu akornanni nuna maanna sanaartugaqanngilaq, illuliassanilli titartaasartup illuliorfissamut isumalluarpoq.

- Sumiiffiup taassuma Nuummi niuernermut kulturimullu pingaarnersaalernissaa eqqarsaataavoq, Bjarke Ingels oqarpoq.

AAMMA ATUARUK Illussanik titartaasartoq tusaamaneqarluartoq nersorneqarpoq

Illoqarfiit pingaarnersaanni katersuuffissaq

Arsaattarfissuassaq Nuup innuttaasuinut katersuuffiussappat, Nuup ilaanni pisoqaanerusup nutaajunerusullu akornanni sananeqarnissaa tulluartuusoq, illuliassanik titartaasartoq isumaqarpoq.

- Taamaammat naluttarfik Malittut immamut kangerlummullu isikkiveqarnissaa pilersaarutaavoq.

Foto: Kommuneqarfik Sermersooq

Isiginnaariartut kangerlummut kusanartumut isikkiveqarniassammata, arsaattarfissuassap saneraa kangerlummut sammisussaq igalaarujussuaqassaaq.

- Arsaattarfissap iluaninngaanniit avammut isikkivigilluartorujussuussaaq, kisianni arsaattarfik, kusanartumik isigiuminartumillu ilusilersugaq nunallu ilaanut tulluartoq, Nuussusarmiit kangerlummiillu takuneqarsinnaassaaq, Bjarke Ingels oqarpoq.

Foto: Kommuneqarfik Sermersooq

Nunatta pinngortitaa isumassarsiorfigalugu

Illunik titartaasartoq Nuummi illulianit marlunnit arsarnernik malinnillu naggueqarlutik ilusilersorneqartunit, tassalu kulturikkut illorsuarmit Katuamit, naluttarfimmiillu Malimmit isumassarsitinneqarpoq.

Arsaattarffissaq avatangiisinut alianaatsunut naleqquttuuniassammat, illoqarfiit pingaarnersaata avatangiisia illuliortartup misissorpaa.

- Taava apummut qingartararmut sermermulluunniit iigartartumut eqqaanartumik sananissamik inerneqarpoq. Sanaassarli iikkamigut ammassaaq, kangerluk, Qinngorput, Nuussuaq Nuullu isignnaarneqarsinnaallutik.

Nunatta ilisarnaatissaa

Australiami Sidneymi operartarfissuarmik sanasoqarmat, Australiamut sunniuteqarluarpoq. Arsaattarfissuassallu taamatut Nunatsinnut sunniuteqarluarnissaa Bjarke Ingelsip neriuutigaa.

- Sanaartorfissatut inissisimaffik taanna Sydneymi operartarfissuup inissisimaffianut assingusorujussuuvoq. Operartarffimmik titartaasup, Jørn Utzonip, suliaata illoqarfiinnaanngitsoq Australiali tamaat malunnarnerulertippaa, nunani arlalinni illulianik alianaatsunik titartaasartutut tusaamasaasoq, Bjarke Ingels, oqarpoq.

Ingels New Yorkimi World Trade Centerip saassunneqarneranit illorsuit aserorneqartut taartissaat kingulleq titartaanissamik aamma suliakkinneqarpoq.

Nunatta Eqqumiitsulianik Saqqummersitsivissaa nuunneqassaaq

Suliniummut nutaamut atatillugu Nunatta Eqqumiitsulianik Saqqummersitsivissaata Qapiarfiusaap eqqaani inissisimaffissaa arsaattarfissuartaassap sanianut nuunneqassaaq. Taamaammat Ingels isumaqarsimagaluarpoq titartaaqqittariaqassalluni, inissisimaffissarli nutaaq ilusilersuinermut pioreersumut tulluulluartutut oqaatigaa.

- Nuup avinngarusimasuaniinnani, imaatigut angallattuniinnaq takuneqarfigisinnaasaamini, Nuup siunissami qiterisaqarfigisassaani inissisimalissaaq, Bjarne Ingels oqarpoq.

 

 

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!