Avatangiisit Nunanit allanit

Issittumi akoorutissanik mingutsitsineq annikilliartortoq

Akoorutissat arrortikkuminaatsut assigiinngitsut Issittumi nassaassaanerat, Issittumi nakkutilliinermik aamma nalilersuinermik suliniutip AMAP-ip, Issittumi Siunnersuisoqatigiit ataanni inissisimasup, nalunaarusiaani nalilersorneqarmat paasinarsivoq akoorutissat tamakku ataatsimut isigalugu Issittumi annikilliartortut.
Assi © : Michael Ransburg/Flickr Creative Commons
Allattoq Erna Lynge
februaarip 24-at 2017 07:07
Nutserisoq Mads Lynge

Nunatsiaq News taama allaaserisaqarpoq.

Akoorutissat pineqartut naatsunngorlugu POP-nik taaneqartarput, assersuutigalugulu saarullinni, natserni nannunilu nassaassaallutik, pingaartumillu uumasuni nerisariinni annertusiartortarlutik.

Akoorutissat tamakku silaannakkut immakkullu ingerlaarlutik Issittumut annguttarput, uumasullu inuillu peqqissusaannut kingunipiloqarsinnaallutik.

AMAP-illi misissuinerata maanna tassa takutippaa akoorutissat arrortikkuminaatsut POP-t Issittumi nassaassaasut kigaatsumik annikilliartortut. Soorlu siusinnerusukkut allaaserereeripput aalajangersagaq Stockholm-konventionimik taaguutilik aqqutigalugu akoorutissat arrortikkuminaatsut atorneqaqqusaajunnaarsinneqarput, nunallu tamalaat isumaqatigiissutaat kigaatsumik, pitsaasumillu, sunniuteqariartorpoq, akuutissat arrortikkuminaatsut Issittumi annikilliartulersimallutik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq