Assi: UN Photo/Elma Okic/Flickr Creative Commons

Samuelsen: Issittoq pillugu ministereqarfik sulisoqarnerulerpoq

Issittoq pillugu Danmarkip nunanut allanut tunngasunut ministereqarfiani immikkoortortaqarfik amerlanernik sulisoqalersoq, Danmarkip nunanut allanut tunngasunut ministeriata Anders Samuelsenip ilisimatitsissutigaa.

Folketingimut ilaasortap Aaja Chemnitz Larsenip, Inuit Ataqatigiinneersup, apeqquteqaataanut ministeri taama akissuteqarpoq. Issittup aappaagumut aningaasanut inatsisissatut siunnersuummi qanoq pingaaruteqartiginersoq Aaja Chemnitz Larsenip apeqquteqarfigisimavaa.

AAMMA ATUARUK Kinamiut ilisimatuutut misissuiviliornissaat akornutissartaqanngilaq

Danmarkimi naalakkersuisut nunanut allanut sillimaniarnermullu politikkimi iliuusissatut pilersaarut ukiup ataatsip matuma siornatigut saqqummiummassuk ilaatigut takuneqarsinnaavoq atorfilittat amerlineqarnissaannut, matumani nunani allaniittussat ilaatinneqarlutik, 70 millionit koruunit immikkoortinneqarsimasut.

Atorfilittalli qanoq amerlatigissanersut Anders Samuelsenip ilisimatitsissutiginngilaa.

AAMMA ATUARUK Danskit naalakkersuisui Issittumi aningaasarsiornikkut siuarsaaniartut

Atorfilittat amerlineqarnissaannut aningaasat 35 millionit koruunit aallaqqaammut immikkoortinneqartussatut siunnersuutigineqarpoq, 70 millionit koruunillu aappaagumut aningaasaliissutigineqartussatut siunnersuutigineqarput, atorfilittalli amerlineqassappata tamanna isumaqatigiinniutigineqaqqaartussaallutik.

 

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!