Isorliunerusut qinersinermi peqataanerat
Nanortalimmi qinersisartut 63,2 procentit maannamut taasiartoreersimapput, 2005-imut naleqqiullugu procentinik tallimanik amerlanerusut nalunaaqutaq arfininngortoq taasiortorsimallutik.
Uummannami qinersisartut 61,8 procentii taasiartoreersimapput qinersinermi kingullermi taamaalinerani 63,3 procentit taasiartorsimasut.
Aamma Tasiilami qinersivimmi kingullermit ikinnerusut taasioartorsimapput nalunaaqutaq ullumi arfininngortoq. Tasiilami taasioartortut qinersinermi kingullermut naleqqiullugit procentinik tallimanik ikinnerullutik.
Qaanaami maannamut 68,4 procentit taasiartoreersimapput, qinersinermili suliaqartunit 2005-imi qinersinermi taamaalinerani kisitsisit pigineqanngillat.