Islandimiut hiistiisa neqaat Japanimiut mamarilluaraat
Hiistit neqaat kiilut hunnorujut arlallit Japanimut sapaatit-akunneri tamaasa nassiunneqartarput. Islandimiummi histiisa neqaat Japanimi piumaneqaraluttuinnarput. Islandimiut sapaatit-akunnerannut neqit tonsit pingasut angullugit Japanimut nioqqutigisinnaassallugit neriuutigaat. Icelandmonitor.is taama allaaserisaqarpoq.
Hiistit neqaat tonsit 15-it Islandimit Japanimut ukiut tamaasa nioqqutigineqartarput. Piumaneqarluarneralu pissutigalugu Islandimi neqinik avammut nioqqutigineqartuni hiistip neqaa nalitunerpaavoq.
Icelandmonitor.is naapertorlugu Japanimiut hiistip neqaa ooqanngitsoq nerisarpaat, taamaammat neqip suliarineqarneranut uninngatinneqarneranullu piumasaqaatit sakkortuupilussuupput.