Islandimi qinersinissaq ullulerneqartoq
Præsident Gudni Johannesson ullumi taama nalunaaruteqartoq, Reuters allappoq.
Ministeriunerup Bjarni Benediktssonip tallimanngormat qinersisoqarnissaa nalunaarutigaa, maannali tassa aatsaat qinersinissaq oktobarip 28-annut ullulerneqarpoq.
Ukiukitsumik atornerluisoqarsimanera pissutigalugu naalakkersuisoqataasut Lys Fremtidip suleqatigiinneq qimappaa.
Naalakkersuisoqatigiit Benediktssonip partiianit aquttuuffigineqartut Selvstændighedspartiet, Liberale Vidreisn aamma Lys Fremtid oktobarimi 2016-imi qinersineqareermat pilersinneqarput.
2016-imi qinersineq aamma maanaannaq pivoq.
Taamanikkut Islandimi ministeriuneq Sigmundur Davíd Gunnlaugsson akileraanngitsoortarsimasutut pasillerneqarluni Panamami pappialaatit pillugit tunuartariaqalersimavoq.