ToqqorsivikAssi: Victor/Flickr Creative Commons

Islandimi naalakkersuisut isumaqatigiinninniarnerat ajalusoortoq

Islandimi partiit saamerlerneersut, Islandimi inatsisartunut sapaatip-akunnerata siuliani qinersisoqarnerup kingorna naalakkersuisunngortitsiniarnertik ulluni kingullerni isumaqatiginninniutigisimavaat, isumaqatiginninniarnerilli angusaqarfiunissaat ilimananngilaq.

Partiip Den Grønne Ventrebevægelsip siulittaasuata Katrin Jakobsdottirip naalakkersuisunngortitsiniarsinnaanissaa, Islandip præsidentiata Gudni Jóhannessonip periarfississimavaa.

Isumaqatiginninniarnerilli ajalusoorsimasut, tv-qarfiup RUV-p nalunaarutigaa.

Jakobsdottirip partiit Piratpartiet, Fremskridtspartiet Socialdemokratillu isumaqatiginninniarfigigaluarpai.

Partiit sisamat taakku Islandimi inatsisartuni ilaasortaatitaat katillutik 32-upput. Islandimi inatsisartut katillutik 63-iupput.

Partiit naalakkersuisunngortitsiniarlutik isumaqatiginninniaraluartut ajalusoornerat, Katrin Jakobsdottirip pakatsissutigeqaa:

- Isumaqatiginninniarnerit ajunngitsumik ingerlagaluarput, Katrin Jakobsdottir oqarpoq.

Partii qiterlermeersoq, liberaliusorlu, Fremskridtspartiet isumaqatiginninniarnernit anisimasoq, Islandimi tusagassiorfiit allaaseraat.

Piratpartietip suleqatiginissaa, naalakkersuisoqatigiinnissamillu tunuliaqutissap naammaginannginnissaa, Fremskridtspartietip ernummatigaa, isumaqatiginninniarnerniillu aniinnarluni.

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!