Islamisk Stat Tyrkiami saassussinermut akisussaasuunerartoq

Angut inuusuttoq tyrkiamiusullu oqqarluttoq tyrkiap politiivinit ujaarineqarpoq.

Tyrkiamut maanna saassaagut. Imerniartarfimmut ukiutoqqami saassussisoq maanna ujaarineqarpoq.

Saassussisoq suli tigusarineqanngikkaluartoq, nutaarsiassaqartitsivik Reuters naapertorlugu peqqarniisaarniaqatigiit Islamisk Statikkut Istanbulimi imerniartarfimmut Reinamut saassussinermut akisussaasuullutik ataasinngormat nalunaarutigaat.

Inuit 39-it saassussinermi toqutaapput, 60-illu missaanniittut ikiligaallutik. Toqutaasullu akornanni amerlanerit nunanit allaneersuupput.

- Kaliffip sakkutuua sapiitsuliortoq Islamisk Statip Tyrkiami suliaanut nangitsilluni imerniartarfimmut tusaamasamut upperinninngitsut kristumiut nalliuttorsiorfiannik nalliuttorsiortarfigisartagaannut saassussivoq, Islamisk Statimit oqaatigineqarpoq.

Angut aallaasersortoq saassussinermi kingorna sakkuni ileriarlugu imerniartarfimmit qimaasunut akuliulluni qimaasimasorineqarpoq.

Angut 20-t 30-llu akornanni ukioqarsorineqartoq tyrkiamiusullu oqqarluttoq tyrkiami politiinit ujaarineqartoq, TV-qarfik Al Jazeera nittartakkamini allappoq.

Saassussineq minutsini arfineq-marlunni sivisussuseqarpoq, saassussisorlu 120-t 180-illu akornanni amerlatigisunik igilluni.

    /ritzau/

 

Isummersuutit

Inatsisartut Upernaakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!