Isikkamik arsaannermik piginnaasallit efterskolertalissapput
- Taamatut innersuussinitsinni aallaavigaarput soorunami arsaattartutta inerikkiartornissaat aqqutissarsiuukkusukkatsigu, Kalaallit Nunaanni Arsaattartut Kattufffianni GBU-mi siulittaasoq John Thorsen taama oqarpoq.
Taassuma tikkuarpaa Kalaallit Nunaanni arsaattartut inuusuttunit inersimasunut ikaarsaariarnerannut ullumikkut ataqatigiissoqanngitsoq.
Aamma atuaruk GBU-p DBU-llu Nunatsinni isikkamik arsaanneq peqatigiillutik ineriartortinnialeraat
Taamakkaluartoq amerlasuut efterskolenut atuariartortarput, maannalu isikkamik arsaannermik piginnaasaqarnerit atuarfinnut arsaannermik aallusaqarnerusunut atuariartortinneqarnissaat pingaartinneqarnerulerpoq.
Aamma atuaruk Kommuneqarfik Sermersuumi ivigaasanik arsaattarfiit arfineq marluk nutaat
Kalaalllit Nunaanni arsaattartut kattuffiat GBU, Danmarkimi efterskolenik timersornermik atuartitsiffiusunik suleqateqalerpoq, tassalu Aabybro Idræts efterskole, Hald Ege Fri & Idrætsefterskole, Holbæk Idrætsefterskole, kiisalu Hjelmly Fri & Idræts efterskole. Efterskolet taakkua tamarmik pingasunik nunatsinneersunik GBU-mit innersuunneqartunik atuartuuteqarsinnaapput.
Arsaattartut pikkorissut ineriartortinneqarnissaat neriuutigineqarpoq, timersornermillu aallussilluarnissaaq aamma pingaaruteqartinneqarluni.
- Naatsorsuutigalugulu, kissaatigalugulu taamatut aallussinerup pimoorussinermik imaqartup ingerlatiinnarneqarnissaa, taavalu aamma inuunerilerneqarnissaa arsaattartutta ilaannut, John Thorsen KNR-imut oqarpoq.
Aamma atuaruk Sungiusaasup isumaqatigiissuteqarneq nuannaarutigaa
GBU-mit aamma kaammaattuutigineqarpoq, efterskoleni atuartut danskisut, kalaallisut tuluttullu atuartitsinerit pimoorutissagaat, efterskoleni atuareerunik ilinniarnertuunngorniarfinni imaluunnit allani ilinnialerunik sapinnginniassammatigit, sapaatip akunnneranut arlaleriarlutik timersornermik siungiusartassagaluarunilluunniit.
Ungasinnerusoq eqqqarsaatigalgu John Thorsen neriuppoq arsaattartut ineriartornertik ingerlatiinnassagaat, siunissami målink isertitsisartuuniassammata assersuillaqqissuuniassammatalu.
- Danmarkimi ulluinnarni inuuneq avatangiisillu sungiunnissaannut periarfissaqarluarpoq, tassanngaanniillu Danmarkimi nunanilu allani arsaattartutut inussuutissarsiuteqarnissamut ineriartorluni, Kalaallit Nunaanni arsaattartut kattuffianni siulittaasoq John Thorsen taama oqarpoq.
