VIDEO Isiginnaartitsisartut Pakkutat Katuami isiginnaartitsissapput

Meeqqanut isiginnaagassiaq juullerpaluttoq isiginnaartitsisartut Sisimiuneersut Pakkutat Katuami ullukinnermi isiginnaartitsissutigissavaat.

- Tassa taanna nissiaraq Nissi Puuaqqamik taaguuteqarpoq, sermersuarminngaanniit aggerpoq Rudolfi qimuttoralugu. Nissi Puuaqqap nuannequtigivaa, Nissi Puuararlu Rudolfilu paaseqatigiissinnaagamik,

Nissi Puuaqqap Rudolfi qimuttoralugu aataap angakkuaataa iluaqutigalugu Inuit Nunaanni angalavoq. Angakkuarfigitittut arlaannik piginnaasaqalertarput.

- Soorlu uanga qilaat naluara taava angakkuaruma taava qilaat nalunngilerlugu, qanoq qilaatersorsinnaaneq, Valerius Nielsen Pakkutaneersoq oqarpoq.

Operamik erinarsorneq isiginnaagassiami uani takutinneqarpoq. Oprartartut nuannaartoralugit isiginnaagasiami taama ilanngussipput.