Isarukitsoq Tysklandimi uumasuusivissuarmit tillinneqarsimasorineqartoq
50 centimeterit missaannik angissuseqarpoq, 5 kiilunik oqimaassuseqarluni, suluisalu aappaanni normu "53" takuneqarsinnaalluni.
Asseq toqqorsivimmit
Allattoq Karsten Sommer
februaarip 14-at 2017 10:08
Nutserisoq Mads Lynge
Tysklandimi illoqarfiit ilaanni Mannheimi uumasuusivissuarmi isarukitsut ilaat Humboldtip isarukitsut periarfeerunneqartut ilaat taama ilisarnaateqartoq Tysklandimilu politiit nalunaarutigaat, isarukitsorlu tillinneqarsimasutut aamma nalunaarutigineqarluni. Tysklandimi nutaarsiassaqartitsivik DPA taama allaaserisaqarpoq.
Isarukitsup uumasut inaasa ilaanni takussaanngitsoq, Mannheimimi uumasuusivissuarmi uumasuutigineqartut kisinneqarneranni paasineqarpoq.
Uumasuusivimmi ujarlertoqareersorlu sulisut inerniliuppaat isarukitsoq nammineq qimaasinnaasimanngitsoq, akerlianilli aallarunneqarsimasoq inerniliullugu.
Innuttaasut isarukitsumik ujarlernermi ikiuunnissaat uumasuusivissuarmi sulisut kissaatigaat.
