Iran aamma naalaaffiit killiit atomi pillugu isumaqatigiipput

Iranip atomip nukinganik atuinikinngulernissaanik isumaqatigiinniarnerit naalagaaffinnit arfinilinnit siuttuuffigineqarluni ingerlanneqartumi isumaqatigiissutigineqartoq, kitaani naalagaaffiit aallartitaasa ilaata, nutaarsiassaqartitsivimmut reutersimut oqaatigaa.

Isumaqatigiinniarnermili pingaaruteqartut ilaat suli iluatsivinneqanngitsut aamma oqaatigineqarluni.

Isumaqatigiinniarnerilli ukioq ataaseq sinnerlugu ingerlanneqarsimasut, ataatsimut isigalugit ilorraap tungaanut alloriarnerusut oqaatigineqarlunittaaq.

Atomip nukinga annikillisinneqarpoq

Iranip atomimik atuinertik 66 procentimik annikinnerulersissagaa, aallartitat franskit nutaarsiassaqartitsiviannut AFP-mut oqaatigaat.

Isumaqatigiissummut ilanngunneqarportaaq, atomip nukinganik atuinermi igitassat ilarujussui, Ruslandimut nassiullugit tassani uninngasuutigineqalersinnaaneri.

Isumaqatigiissummut aamma ilanngunneqarpoq, Iranip atomi atorlugu nakorsaasiassanik suliaqartarnera, naalagaaffinnit allanit  nakkutigineqartarnissaa.