Irakip premierministeriata Trump qujassuteqarfigigaa
Irakip premierministeriata Haider al-Abadip amerikamiut præsidentiat, Donald Trump, nunanit muslimeqarfiuneersunik USA-mut iseqqusinnginnermut Irakip ilaatinneqarunnaarnera pillugu ataasinngormat qujaffigaa.
Iraks premierminister, Haider al-Abadi
Allattoq Ritzau
marsip 21-at 2017 06:44
Nutserisoq Simon Uldum -
Nunat siuttui taakku Trumpip Præsidentip Illorsuanut iserternerata kingorna ullormi naapeqqaarfianni nutaarsiassaqartitsivik Reuters taama allaaserisaqarpoq.
Irakip præsidentip nunamut iseqqusinnginnermik peqqussutaanut ilaatinneqannginnissaanik Abadi Trumpimut noqqaassuteqarsimavoq.
Trumpip nunamut iseqqusinnginneratigut, nunani arfinilinni muslimeqarfiuneersut USA-mut isernissaat pinngitsoortinniarneqarpoq.
Donald Trumpip taamatut inerteqquteqarneq marloriarluni eqquteriaraluarpaa. Siulleq eqqartuussisut ilaannit atortussaajunnaarsinneqarpoq, tamatumalu malitsigisaanik Trumpip allaffeqarfiata Irak allattorsimaffimmit peerpaa peqqussutillu oqaasertai allanngortilaarlugit, taamaakkaluartoq peqqussut allanngortititaq aamma unitsinneqarpoq.
