Inuusuttut USA-mut ilinniariarnissamut periarfissaqalissapput

oktobarip 07-at 2004 10:01

Illersornissamut isumaqatigiissutip nutarternera najoqqutaralugu nunatta, Danmarkip USA-llu suleqatigiissutissaannik atorfillit eqqartuerngaarneranni inuussuttut USA-mi ilisimatusarfinni ilinniariartalernissaat pingaarnersatut siunniunneqarallarpoq.

- Ingerlariaqqinnissatsinni misissugassat soorlu ilinniartitaanikkut tuluttut nunatsinni atornerujartornissaani amerikamiunik suleqateqarnissami pilersaarut misissorpaat, assersuutigalugu inuusuttut sivisunerusumik sivikinnerusumilluunniit amerikamut ilinniariartortalernissaat kiisalu amerikamiut inuusuttut nunatsinnukartalernissaat aamma misissorneqassaaq, Namminersornerullutik Oqartussani pisortaaneq Kaj Kleist oqarpoq.

Ilinniartitaanerup saniatigut ilisimatusarnikkut apeqqutit, soorlu nunap pissussaa,  silaannaap kissatikkiartornera assigisaalluunniit, isumaqatigiissummi inissaqarnissaat suleriaqqinnissami tunngavilersorneqassapput.

- Isumaqatigiissut kalaallinut ajunngitsumik takutinniarneqassaaq, amerikamiunillu suleqateqarnissatta tunngavissiorluarnissaa suliarineqassaaq aamma ungasinnerusoq isigalugu, Kaj Kleist oqarpoq. 

Suleqatigiinnermi isumaqatigiissutaasussat atsiortinnagit inaarnissaanut ataatsimiittoqassaaq Washingtonimi aappaagu majimi.