Inuusuttut pinerluttartut ikorfartorneqarnerat amigartoq
Taamaammat nukiit atorfissaqartimnneqarnerpaanut saatinneqassasut, Ilisimatusarfimmi lektori, Annemette Nyborg Lauritsen isumaqarpoq.
Angutit inuusuttut piitsuullutik alliartorsimasut sumiginnaasimasulælu. Pineqaatissinneqarsimasunik inissiisarfimmiittut amerlasuut oqaatigineqarsinnapput.
Inuiaqatigiilli pineqaatissimasut qanoq ikiortarpaat?
Paasisat piviusut
- 29 procentii 25-it ataallugit ukioqarput
- 43 procentii meeqqat atuarfianit soraarummeernikuunngillat
- 45 procentii pineqaatissinneqannginnerminni suliffeqarsimanngillat
- 47procentii pineqaatissinneqannginnerminni angerlarsimaffeqarsimanngillat
- 76 procentii inunnut ulorianaatilinnik pinerluuteqarsimapput
- Ikinnerpaamik 51 procentii meeqqanik atornerluinikuusimapput, namminnerlu meeraanerminni atornerlugaanikuusimallutik
kisitsisit Annemette Nyborg Lauritsenip misissuineraneersuupput.
- Ilumut ikiorneqartarnersut apeqqutaavoq. inuunerminni siusinnerusukkut ikiorneqartussaagaluarput. Inissiisarfimmiileraangatalu taakkua pineqaatissinneqarsimasunik Isumaginnittoqarfiup suliassaaatut inuiaqatigiinni soorluuna iseqqajaaneqartartut . Uangali taamaassornngilara. Inuiaqatigiit aamma suliassarujussuarivaat.
Aamma atuaruk Nunatsinni inissiisarfinniittut ulorianartorpassuupput
Pineqaatissinneqarsimasunit inissiisarfinniittut assersuutigalugu ilagiinni peqataanermut, atornerluisutut katsorsagaanikkut taavalu meeqqat atuarfiannik naammassinnilluni misilitsinnikkut iniuaqatigiinni ilaanerulernissaannut iniaqatigiit periarfissiisariaqartut, Annemette Nyborg Lauritsen isumaqarpoq.
Inissiisarfiulli iluani tamakkua periarfissaanngillat.
Nunatsinni pineqaatissinneqarsimasunik inissiisarfiit ammasunngorlugit pilersinneqaqqaarput, pineqaatissiineqarsimasut katsornsarneqarnissamut periarfissaqarlutik inuiaqatigiinnilu akuusussanngorlugit. Inissiisarfiilli matoqqanerulersinneqarput.
- Taamaalinerat ajornartorsiuterujussuanngortitsivoq, pineqaatissinneqarsimasut inuiaqatigiinni periarfissanut ornigussinnaanngimmata, taamaammallu inissiisarfimmi periarfissaqalertariqarpoq. Taamaangippat pineqaatissinneqarsimasunut ajornartorsiuterujussuanngussaaq.
Aamma atuaruk VIDEO Inuusuttut pinerlussimasut ikiorneqartariaqartut
Tamannalu Nunatsinni Pinerluttunik Isumaginnittoqarfiup pisortaa, Naaja Nathanielsenip, ilisaraa.
Annemette Nyborg Lauritsen
- Inuusuttut Inissiisarfinniittut ikiorluarsinnaannginerat uagutsinningaanniit nassuerutigilluinnarparput,
Pinerluttunilli Isumaginnittoqarfiup kisimiillutik isumagisinnaangilaat, Pisortaq isumaqarpoq. Kommunit Namminersorlutillu Oqartussat peqataasariaqarput.
- Taamaammat napilluta suna ajornartorsiutaanersoq pineqaatissinneqarsimasullu pisinnatitaaffeqarnerannik qanoq iliorluta tamanut pasisitsssutisiginnaanerlugu oqaloqatigiissutigisariaqarparput. Tassami allatulli innutaasuupput, taavalu allatulli imerajuttuuneq pillugu katsorsarineqarnissamut pisinnaatitaaffeqarput, Naaja Nathanielsen oqarpoq.
