Inuusuttut aamma ussapput
oktobarip 08-at 2004 14:04
Demokraatit qinersisartunit inuusuttunit soqutigineqarnerpaapput, HS Analyse naliliivoq. 18-init 29-nut ukiullit 40%-iisa Demokraatit qinissagaluarpaat ullumi qinersineqartuuppat.
Partiimit inuusuttunit soqutigineqartumit, IA-mit, amerlanerujussuarnik Demokraatit qinersisissaqarput, IA inuusuttut 24%-iinnaannit taaneqassagaluarmat.
Atassut inuusuttuni nakkanganerpaavoq inuusuttut 10 procentiinnaannit soqutigineqarami. Partiip siulittaasua Augusta Salling oqarpoq tamatumuuna ajornartorsiuteqarlutik, misissuinerilli tamatigut eqquunneq ajormata ernumassutiginnginnerarpaa.
Akerlianik Atassut utoqqasaanerusunit illersorneqarpoq. 60-inik ukioqalereersimasut sisamaagaangata ataaseq Atassummik qinersisartuusarpoq.
