Inuusuttunut suliniut aningaasarpassuarnik tunineqartoq
Røde Korsip inuusuttunut suliniaqatigiiffiani KRK-INUA-mi aningaasaateqarfimmit Nunafondenimit aningaasanik tapiissutisiat amerlasuut nuannaarutigineqarput.
Namminneq kajumissutsiminnik suleqataasussanik ilinniartinneqartut siulliit, 2013-imi.
Allattoq Inge S. Rasmussen
juunip 03-at 2016 07:20
Nutserisoq Erna Lynge
Aasianni, Ilulissani, Sisimiuni, Nuummi Qeqertarsuatsiaanilu inuusuttut Røde Korsip aaqqissugaanik sammisassaqartitsisoqarnissaanut 160.500 koruunit atorneqartussaapput.
Illoqarfinni namminneq piumassutsiminnik sungiusaasunut pikkorissartitsinernullu aningaasat ilaatigut atorneqassapput. Taamaalillutik inuusuttut navianartorsiortut ikiorluarnerunissaannut piareersimaniassammata.
Aningaasat Nunafondenimeersut Islandimilu Røde Korsimiit amerlaqataannik tapiissutisinerup INUA-mi namminneq piumassutsiminnik sulisut akornanni neriulluartitsinerulersut, tusagassiuutinut nalunaarummi allapput.
