Inuusuttunut Danmarkimi efterskolertunut attaveqaat nutaaq
Allu tassaavoq kalaallinut efterskolertunut neqeroorut. Namminneq kajumissutsiminnik suleqataasut peqatigalugit inuusuttut sapaatit-akunnerisa naanerini sisamariarlutik angalanissaannik neqeroorfigineqarput. Sapaatillu akunnerisa naanerini naapeqatigiittarnerit saniatigut Allu attaveqaatitut aamma atorneqarpoq, inuusuttut efterskolernerminnik pitsaanerpaamik ingerlatsinissaannik aammalu naammassinninnissaannik siunertaqartumik.
Allummi siunertaraa kalaallit inuusuttut Danmarkimi efterskolertut arlaatigut pisariaqartitsinerminni anersaartorfissaqartinnissaat. Allup efterskolit suleqatigalugit kalaallit atuartut tamarmik efterskolernerminnik sapinngisamik annertunerpaamik pissarsiaqarnissaat anguniarpaa.
Oqaatsit inooqataanerlu
Kalaallinik efterskolertunik oqaatsitigut artorsaateqartunik, inooqataaniarnikkut akuliunnaveeqqasunik imaluunniit sapaatit-akunnerata naanerani nikilaarnissamik pisariaqartitsisunik nalunngisaqarussi, taava Allu taakkununnga immaqa iluaqutaalluarsinnaavoq.
Emailimut uunga allalluni paasiniaasoqarsinnaavoq allu@fgb.dk. Aammattaaq quppersagaq Allumut tunngasunik paasissutissartalik uani pissarsiarisinnaavat.
Peqatigiiffik Kalaallit Meerartaat suliniummik Allumik pilersitsisuuvoq.