Charles Manson Californiami Corcoran State Prisonimi parnaarussaaqqavoqAssi: Google Maps

Inuunini naallugu parnaarussaq Charles Manson napparsimmavimmut unittoq

Toqutsisimasoq silarsuarmi tusaamasaq inuuninilu naallugu parnaarussassatut pineqaatissinneqarsimasoq Charles Manson, ukiuni qulikkuutaani arlalinni parnaarussaaffigisaminit napparsimmavimmut nuunneqarsimasoq amerikami tusagassiorfiit allaaseraat.

Parnaarussaq 82-inik ukiulik, ukiut 50-it matuma siorna upperisarsioqatigiinnut siuttuutilluni Los Angelesimi aassunneqisumik toqutsinernut atatillugu silarsuaq tamakkerlugu tusaamaneqalerpoq.

Toqutaasut ilagaat filmiliornermi ilitsersuisartup tusaamasap Roman Polanskip aapparisaa isiginnaartitsisartoq naartusoq Sharon Tate.  

Amerikami tusagassiorfiit, ilaatigut LA Times aamma TMZ naapertorlugit, Manson Californiami parnaarussivimmit Corcoran State Prisonimit napparsimmavimmut parnaarussiviup ungasinngisaaniittumut unitsinneqarsimavoq. Tusagassiorfiit tusarfiisa aamma oqaatigaat napparsimasupilussuusoq.

Paasissutissat saqqummiunneqartut parnaarussiviup uppernarsarumanngilai. Charles Mansonilu toqusimanngitsoq oqaatigiinnarpaat.

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!