Inuttamik ujaasineq unitsinneqartoq
Issittumi Sakkutooqarfiup, Qaqortoq Fiship ningittagarsuutaani kilisaataataani Aja Aajumi inuttamik, Ikerasassuup anigguata nalaani katataasimasumik ujaasinera, nunatta kitaata nalunaaqutaa naapertorlugu ippassaq unnukkut nalunaaqutaq arfineq-marluk missaani taamaatiinnarneqarpoq.
Allattoq Helle Nørrelund Sørensen
aggustip 23-at 2018 08:00
Issittumi Sakkutooqarfik KNR-imut taama ilisimatitsivoq.
Kilisaammi Aja Aajumi inuttaq, Ikerasassuup anigguata nalaani ippassaq ullaakkut katataavoq, Issittumilu Sakkutooqarfik Aja Aajumi inuttamik ippassaq ullaakkulli ujaasilerluni.
AAMMA ATUARUK Ningittagarsuummi inuttaq Nunap Isuata qanittuani katataasoq
Issittumi Sakkutooqarfiup qulimiguuliutaa Seahawk, timmisartorlu Challenger ujaaseqataatinneqarput, soorlu aamma umiarsuaq takornariartaat Astoria ujaaseqataasoq.
Ujaasinerli kinguneqanngilaq. Angutip ajunaarsimanissaa ilimagineqartoq, Issittumi Sakkutooqarfiup nalunaarutigaa.
Kilisaat Aja Aaju, inuttap katataaffiata nalaaniittuarsinnarpoq. Issittumi Sakkutooqarfik taama nalunaaruteqarpoq.
