Politiit tusagassiortunik katersortitsinerat: Inuit sisamat maqaasineqarput

Unnuaq tassaarsuaqarnerata kingorna inuit ikinnerpaamik sisamat maqaasineqartut politimesterip Bjørn Tegner Bayip tusagassiortunik katersortitsinermi ilisimatitsissutigaa.

Ajunaartoqarsimanersoq uppernarsarsinnaannginnerarpaa.

Upernavimmi kalerrisaarineq taamaatinneqarsimavoq.

Nuugaatsiami innuttaasut qimagutitinneqartut ilaat marluk ajoquserujussuarsimapput, arfineq-marlullu annikitsumik ajoqusersimallutik. Illut aqqanillit tassaarsuaqarnerani kuugussaasimapput.

Politimesterip innuttaasut ikiuulluarnerannut qujassuteqarfigai.

Maqaasineqartut sisamaasut suli ujaarineqarput.

Nuugaatsiami innuttaasut nalunaarsorneqarsimasut 101-iupput, taakkunanngalu 78-it qimagutitinneqarsimallutik. Taamaalillutik 23-t suli sumiissusersineqarsimanngillat.

Politimesterip erseqqissaatigaa sumiissusersineqanngitsut maqaasineqartutut oqaatigineqarsinnaanngitsut, imaassinnammat aalisariarlutilluunniit piniariarsimasut imaluunniit nunamut allamut feeriarlutik aallaqqasut.

Kisitsisillu taama nikingassuteqartiginerannut suna pissutaanersoq politiit maanna paasiniaaffigileruttorpaat.

Tegner Bayip Nuugaatsiarmiut arlaannik peqquteqartumik nuaqarfimminniinngikkallartut qanigisaasunut oqarasuaammut normumut 36 52 49-mut sianeqqullugit kajumissaarpai, taakku maqaasineqartut allattorsimaffiannit politiit peersinnaaniassammatigit.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!