Politikki Kulturi

Inuit Silap puisit pillugit paasititsiniaanera sammineqarluartoq

Inuit Silap Strasbourgimi EU-parlamentip saavani paasititsiniaaneranik sammisaqartut ilaat tassaavoq tuluit tv-qarfissuat BBC.

Bendt Bendtsen og Aaju Peter i Strasbourg

Allattoq Camilla Dam

maajip 20-at 2015 13:11

Nutserisoq Simon Uldum -

Parlamentip saavani ivigalimmi toqqit arlallit napparneqarsimapput politikerinillu alakkarterneqartarput. Ilaatigut puisip neqaa siataq sassaalliutigineqarpoq puisillu amianik nioqqutissiat kusanartut saqqummersinneqarlutik.

Puisit amiinik nioqquteqarnermut inatsisiliornerup inooriaasitsinnut puisinillu piujuaannartitsinissamut tunngatillugu equngalluinnarnera Europaparlamentimi politikerinut paasititsiniutigineqarpoq.

- Europamiut puisinik nioqqutissianik inerteqquteqarnerat niuerfitsinnik aningaasaqarnitsinnillu innarliivoq. Tamannalu Kalaallit Nunaannut Canadamullu atuuppoq. Nunarsuarmi sumiiffigisatsinni naatitsilluta naatitanik sunilluunniit katersisinnaanngilagut, suliffissaaleqineq annertoorujussuuvoq, inuussutissat akisuupilussuupput inuuniarnerlu akisunerpaajulluni.

Aamma atuaruk Inuit Sila puisit amii ilungersuutigiartorlugit Strasbourgilialersoq

- Taamaammat piniartut ameerniarsinnaanissaat pingaaruteqarluinnarpoq, taamaalillutik nunaqqatitik pilersorsinnaassammatigik, Aaju Peter Inuit Silameersoq BBC-mut taama oqarpoq.

BBC-p Strasbourgimit ilanngutassiaa uani isiginnaarneqarsinnaavoq.

[<a href="//storify.com/CamillaDam/rekorder-over-indlandsisen" target="_blank">View the story "Inuit Sila Strasbourgimi - Inuit Sila i Strasbourg" on Storify</a>]