Inuit Nunaganni juulli
Juullip ukiortaallu akornanni ullut nuannaffiulluartarput tamanna malunnartinneqartarluni Canadap avannamut kitaanit Inuuvimmit Nunatsiavummi nunaqarfik Nain tikillugu.
Nunatsiavummi nunaqarfinni meeqqat juullip inuanit, timmisartumut ilaasumit jullinngitsiartorli pajuttorneqarput. Nunaqarfinni allani qimussimik sukkaniuttoqanngikkuni timersuutinik assigiinngitsunik unammiuaartoqarpoq, ilaatigut qamutinik motoorilikkanik sukkaniuttoqarluni.
Qingalissuaq siatassaq
Timersuutinilli unammiuaarnerit kisimik ingerlanneqanngillat. Nunaqarfinni innuttaasut ilaat inuuniarnermikkut ajornartorsiuteqartut aamma nuannaartinneqarput. Soorlu Igloolimmiut piumassutiminnik suliaqarnermikkut nerisassanik katersuiniareerlutik pajuttorput nuannaarutigineqaqisumik. Pajugutigineqarput poortukkat 280-it tamarmik timmissamik qingalissuarmik mamakujuttunillu imaqartut.
Nunaqarfinni illoqarfinnilu amerlanerni oqaluffiit aamma atorluarneqarput, tassa taakkunani tusarnaartitsinerit arlalippassuit ingerlanneqarmata soorluttaaq katersortarfinni allanilu innuttaasut katerisimaartarfiini nerersuartitsisoqartoq.