Inuit marluk Ukkusissanit annaanneqarput
- Qatserisartut kalerrippavut, qaqqasiorsinnaasullu atorlugit inuit marluk annaassinnaasimavaat. Ajoqusertoqarsimanngilaq. Ukkusissiarnerminni ingerlariaqqissinnaajunnaarsimapput, qummut ammulluunniit ingerlariaqqissinnaajunnaarsimallutik. Inuillu taakku marluk ajunngillat, annaassinnaasimavavullu, Nuummi politiini pigaartut ilaata Mads Lynge Christiansenip oqaatigaa.
Silap maanna unerisimanerulernikuummat silaginnerusalerlunilu amerlasuut Ukkusissiartarput, politiillu taamaammat kaammattuuteqarput:
- Ukkusissiarniaraanni aqqutissap ilisimalluarnissaa kissaatiginarpoq, ilisimanngikkaannilu ilisimannittumik peqateqarluni Ukkusissiarnissaq kissaatiginaqaaq. Aqqutissaq malikkaanni isumannaannerusarpoq, aqqutigineqakulasut avataanni pisukkaanni navianarsinnaasarpoq, Nuummi politiit oqaatigaat.