Annaassiniarneq Inuit marluk nassaarineqartut
Inuit marluk umiatsiaaqqamik Aasiannit tallimanngormat ullaakkut aallarput, PAN-PAN-imillu arferngup missaanni kalerrisaarillutik.
Taamaattumik umiatsiaaqqap sumiissusia Aasiaat Radiukkut kalerriutigineqarpoq, umiatsiaararlu attavigineqarsinnaasimanngimmat annaassiniartoqalerluni.
Issittumi Sakkutooqarfiup annaassiniarneq nalunaaqutap ataatsip missaani akisussaaffigilerpaa. Issittumi Sakkutooqarfimmeersullu tyskit ilisimatusarnermut umiarsuaataat tissiartaallu amerikaminngaanneersoq takusinnaasimavaat, taakkualu ujaaseqataaqqullugit.
Kutteri alapernaarsuut TULUGAQ, Air Greenlandip qulimiguuliutaa S-61-i, Politiit angallataat SISAK IV, umiarsuup alapernaarsuutip, VÆDDERENIP, qulimiguuliutaa LYNX-i, inuillu sumiiffimmi angalasut peqatigalugit umiatsiaaqqap tissukarsimasup kalerrisaaruteqarfiata eqqaani ujaasipput.
Inuillu sumiiffimmi angalasut ilaata umiatsiaq inuillu marluk nassaarisimagai Issittumi Sakkutooqarfimmut nalunaaqutaq 16:34 nalunaarutigineqarpoq.
Inuit marluk umiatsiaat orsuerussimavoq radiuatalu batterii nungussimallutik.
Inuit marluk SISAK IV-mut ikipput, politiillu umiatsiaaraq umiatsialiviliaatereerpaat.