Inuit Kaffuffiata eqqumiitsuliornermik nalunaaqutsiisarneq tigugaat

Naggueqatitta canadamiut eqqumiitsuliatik Igloo-mik inuit sanaavisut uppernarsarniarlugit nalunaaqutsersortarpaat. Taamali iliortarneq Canadami pisortanit tiguneqarluni taaguuteqalerpoq: Inuit Art Foundation naalisarlugu IAF.
Assi © : Inuit Art Foundation
juulip 25-at 2017 10:23
Nutserisoq Erna Lynge

Inuit eqqumiitsuliornerat eqqarsaatigalugu taama iliorneq alloriarneruvoq pingaarutilik. Inuit Art Foundationimi siulittaasoq Mathew Nuqingaq oqarpoq Igloo-mik ilisarnaasiisarnerup inunnit aqunneqalernissaa pingaaruteqartoq nittartakkamut Eye on the Arcticimut oqarpoq.

- Akisussaafferujussuuvoq, suliassaqassaqaagullu. Maannali paasiniaqqaassavarput ilisarnaat qanoq pitsanngorsaavigisinnaanerlugu taamaalillutalu eqqumiitsuliortuvut tapersersorlugit, taanna oqarpoq.

Ilisarnaat ukiut 60-ngajaat qaangiuttut pilersinneqarpoq, tassa 1958-imi. Taama ilisarnaammik pilersitsinermi salluliuutinik amerlasoorsuanngorlugit sanaartortartunit eqqumiitsuliortut illersorniarneqarput.

AAMMA ATUARUK Kunsthåndværk skal klassificeres

Igloo-mik ilisarnaat eqqumiitsuliortup aqqanik suminngaanneerneranillu imalik atorlugu eqqumiitsuliat ataasiakkaat Inuit sanaavisut uppernarsarlugit qulakkeerniarneqarput.

Ataatsimiittarnertigut oqallittarnertigullu ilisarnaatip ineriartortinnissaa paasiniarneqassaaq. Allanngortitassallu arlaliupput.

AAMMA ATUARUK Eqqumiitsuliat nunarput ukkatarineqaqqilersissinnaagaat

Siullertut: Inuit eqqumiitsuliortuisa ilisarnaat atorsinnaassavaat; aammali eqqarsaatigisariaqalerpoq eqqumiitsuliat allat ilusilersugaanngitsut assilialiaanngitsullu aamma ilisarnaammik pilersornissaat, soorlu qitiit, imaluunniit digitalimik eqqumiitsuliat, Bryan Winter ilisarnaammik Igloo-mik ataqatigiissaarisoq nittartakkamut Eye on the Arcticimut oqarpoq.

AAMMA ATUARUK Ilisimasassarsiorluni angalanernit qalipakkat saqqummersinneqarput

Assi © : Inuit Art Foundation
The Igloo Tag // Inuit Art Foundation