Inuit Ataqatigiit paasiuminaatsitsipput

Naalakkersuisooqatigiinni Inuit Ataqatigiit paasisinnaanngilaat

Siumukkormiut suna assortuussutigineraat,

Namminersornermi pillugu ataatsimiititaliarsuaq marsimi ataatsimiilerpat, apeqqut Hans Enoksenip tunuarterfigisaa pingitsoorani

sammineqassammat.

-Soorunalimi isumaqarpugut inuiattut oqaluttuarisaanitta nunattalu oqaluttuarisaanerata eqqortumik oqaluttuarineqarnissaa pingaarnerpaajusoq. Kuupik Kleist tikkuaavoq.

-Mannami tikillugu oqaluttuarisaanitta eqqunngitsumik oqaluttuarineqartarsimanera paasivarput. Nunatta siunissami naalakkersuinikkut eriniartornerani eqqortoq ilanngutissallugu pingaaruteqarpoq, Kuupik Kleist erseqqissaavoq. Naalakkersuisut siulittaasuata pisimasunik Namminersulernissaq Pillugu Ataatsimiititaliarsuarmik misissueqqusinnginnera IA-kkunnut paasiuminnaatsuusoq Kuupik Kleist oqarpoq.

- Ilisimalikkavummi suulluunniit eqqortut Ataatsimiititaliarsuup sulinerani atortussaavagut. Oqillinnermi imassappat ilaat atorneqassanngitsut ilaallu atorneqassasut taava oqillinneq isumaqarpianngitsutut oqaatigisariaqarpoq, Kuupik Kleist oqarpoq oqaatigaalu Ataatsimiititaliarsuaq sulqatigiissitaliortussaasoq inuiattut inissisimanerput pillugu qulaajaasussamik, tassanilu saneqqunneqarsinnaanngilaq ilisimalikkat atorneqarnissaat, Kuupik Kleist oqarpoq.