Politikki

Inuit Ataqatigiit angajoqqaat arnaqatiminoortut pitsaanerusunik atugassaqartilerusukkaat

Partiip illuatungiliuttuusup, Inuit Ataqatigiit, inatsisissatut siunnersuutigineqartup Inatsisartuni ullumi akuersissutigineqarneratigut suiaqatinoortut oqaluffimmi katissinnaanngornissaat nuannaarutigaa.

Allattoq Camilla Dam

maajip 26-at 2015 10:07

Nutserisoq Simon Uldum -

Siunnersuullu taanna qangali sulissutigineqarpoq. Tamatumunngali peqatigitillugu partiip uggornartippaa Meeqqanut inatsit 1963-imeersoq periarfissaq iluatsillugu nutarteriffiginiarneqanngimmat.

- Peqatigitillugu Meeqqanut Inatsisip nutarterneqannginneratigut suiaaqatigiit akuerisaasumik angajoqqaajoqatigiissinnaannginnerat Inuit Ataqatigiinniit uggorivarput, tassa inatsit maanna atuuttoq naapertorlugu angajoqaajusup aappaata aatsaat meeraq meeravissiartaarippagu tamanna pisinnaanngortarmat.

Aamma atuaruk Arnaannaallutik aappariit oqaluffimmi katinnissaminnut qilanaartut

- Aappariit taakkua suiaaqatigiinnatik aappariittulli ilaqutariinnik pilersitsisinnaannginnerat assigiinngisitsineruvoq. Aaja Chemnitz Larsen, Inatsisartut ilaqutariinnermut peqqissutsimullu ataatsimiititaliaani ilaasortaq tusagassiorfinnut nalunaaruteqarluni taama allappoq.

Taamaattumik Meeqqanut Inatsisip nutartikkap piaarnerpaamik atuutilernissaanut saqqummiussinissaq salliuteqqullugu Naalakkersuisut Inuit Ataqatigiinnit inassuteqarfigineqarput.

Aamma atuaruk Suiaqatinoortut katissinnaalernissaat tapersersorneqarluartoq