Inuit 65,6 millionit nunarsuaq tamakkerlugu qimaasuusut
2016-ip naanerani inuit 65,6 millionit nunarsuaq tamakkerlugu qimaasuusut nalunaarusiami allaaserineqarpoq. Siornamut naleqqiullugu 300.000-it missaannik amerlanerupput.
- Qanorluunniit pigaluaraanni amerlavallaarujussuarput, Naalagaaffiit Peqatigiit qimaasut pillugit kommissæriat, Filippo Grandi, tusagassiorfinnut nalunaaruteqarluni taama allappoq.
Kisitsisit pingasunut immikkoortitigaapput - qimaasut, nunaminni qimaatitaasimasut nunasiniarlutillu qinnuteqarsimasut.
Qimaasut 22,5 millioniusut aatsaat taama amerlatigipput.
Nalunaarusiaq naapertorlugu, Syriami akersuuttoqarnera qimaasoqarneranut pissutaanerpaavoq. 2016-imi qimaasut kingulliit Sudanip kujataaneersuupput.
Qimaasullu nunarsuaq tamakkerlugu affaat meeraasut nalunaarusiami aamma atuarneqarsinnaavoq.
Naalagaaffiit Peqatigiit qimaasut pillugit suliniaqatigiiffiat ukiumut ataasiarluni nalunaarusiamik saqqummiussisarpoq.