Assi: Kommuneqarfik Sermersooq

Innuttaasut peqqinnarnerusumik inuuneqalernissaat suleqatigiissutiginiaraat

Kommuneqarfik Sermersuumi suliniutit assigiinngitsut aqqutigalugit meeqqat atuarfianni peqqinneq aalanissarlu qitiutinneqarnissaat aamma nunat tamalaat akornanni timersornermut aaqqissuussat annertuut amerlanerusut Kommuneqarfik Sermersuumi ingerlanneqartarnissaat ilaatigut sulissutiginiarneqarpoq.

Kommuneqarfik Sermersuup amma Kalaallit Nunaanni Timersortartut Kattuffiata kommunimi innuttaasut peqqinnarnerusumik eqeersimaarnerusumillu inuuneqalernissaannut periarfissiisussamik suleqatigiinnissamik isumaqatigiissutaanni nutaami tamanna atuarneqarsinnaavoq.

Kommuneqarfik Sermersuumi Meeqqanut, Ilaqutariinnut Atuarfeqarnermullu ataatsimiititaliap siulittaasup Demokraatineersup Poul Hansenip aamma Kalaallit Nunaanni Timersortartut Kattuffiata siulittaasuata tulliata Finn Meinel.ip suleqatigiinnissamik isumaqatigiissut nutaaq tallimanngormat ualikkut atsioqatigiissutigaat:

- GIF-ilu suleqatigiinnissaq inuiaqatigiit iluanni peqqinnerusumik inuuneqalernissamut nukinnik katersinissamut periarfissaavoq immikkuullarissoq. Kommunitsinni innuttaasut meeraanermit utoqqanngornermut pitsaanerpaamik inuuneqarnissaannut, pitsaasunik periarfissiinissamut peqatigiilluta eqeersimaartumik peqqissumillu inuuneqarnissaq anguniagaraarput, Poul Hansen oqarpoq.

Komminup GIF-illu peqatigiiffiit ataatsimut ilaasortanik nalunaarsuiffeqarnerisigut, timersornermut tunngasuni nammineq kajumissuseq aallaavigalugu suliaqartunut attuumassuteqartut pitsaanerulersinniarlugit aamma suleqatigiissutiginiarpaat.

Isummersuutit

Inatsisartuni Nivi Olsen

Inatsisartut Upernaakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!