Inisseeqqinnissaq oqartussanit sulissutigineqartoq
Naalakkersuisut siulittaasuata Kim Kielsenip, Avannaatalu Kommuniani ikaarsaariarnermut ataatsimiititaliaani siulittaasup Palle Jeremiassenip innuttaasut Nuugaatsiamit Illorsuarniillu qimagussorneqarsimasut Uummannami Atuarfik Edvard Krusemi marlunngormat ualikkut ataatsimeeqatigaat.
Naalakkersuisut tusagassiuutinut taama nalunaaruteqarput.
Ilaqutariit inisseqqinnissaat, nutaanik inissialiuunnissaat, aalisarnermut piniarnermullu atortussarsinissaat allatigullu ajunaarnersuarmit eqqugaanermi angerlarsimaffigisamit qimagussortittariaqarnermi pisariaqartinneqalersimasut pissarsiarinissaat pillugit Naalakkersuisut Qaasuitsullu Kommuniata ikiuiniarlutik suliniutaasa killiffiat innuttaasunut qimagussortinneqarsimasunut oqaluttuarineqarput.
Innuttaasut arlallit ataatsimiigiartut naalakkersuisut nalunaarutigaat, ilaallu apeqqutissaqarlutik. Umiatsiat, atortut pigisallu soorlu pequttat elektronikkikkut atortut atisallu annaaneqarsimasut annerusumik apeqqutigineqartut nalunaarutigineqarpoq, soorlu aamma inisseeqqinnissanut nutaamillu initaarnissanut periarfissat pilersaarutit suuneri aamma apersuutigineqartut.
Innuttaasut nunaqarfimminnut angerlaqqikkusuttut arlaqartut, naalakkersuisut tusagassiuutinut nalunaarutaanni atuarneqarsinnaavoq.
AAMMA ATUARUK Illorsuarni Nuugaatsiamilu atortut avatangiisinut ulorianaatillit salinneqalersut
