Daneborgimi mingutsitsinermik saliisoqarnissaa pilersaarutigineqanngitsoq
Illersornissaqarfiup illuutinik aqutsisoqarfia, Illersornissaqarfiup avatangiisaanik aamma Nunatsinniittunik isumaginnittuusoq taama nalunaarpoq.
Illersornissaqarfiup illuutaanik aqutsisoqarfimmut suliffeqarfiup COWIp nalunaarusiaani nutaami suliffeqarfik naliliivoq mingutsitsinerup aallaavii piiarneqareermata mingutsitsineq uumasunut inunnulluunniit uloriarnartorsiortitsinngitsoq.
AAMMA ATUARUK Siriusip alapernaarsuisuisa mingutsitsinerat misissuiffigineqalersoq
Ukiuni 66-ini sulliviusimasumi Daneborgimi mingutsitsinerillu annertuut arlaqartut kingunerinik minguititsiffiusimasumi saliisoqarnissaanik Illersornissaqarfiup illuutaanik aqutsisoqarfik pilersaaruteqarani KNR-imut allalluni nalunaarpoq.
- Danmarkimi Illersornissaqarfiup illuutaanik aqutsisoqarfiup ileqqoraa mingutsitsinerit ulorianartorsiortitsinngippata saliinermik aallartitsisarani. Mingutitsinerulli siammannginnissaa pissutigalugu nakkutigeqqissaarneqartoq. Ileqqoq taanna Illersornissaqarfiup Kalaallit Nunaanni aamma ingerlataraa.
AAMMA ATUARUK Mingutsitsineq ulorianartorsiortitsinngitsoq nalunaarusiami naqissuserneqartoq
Avatangiisinut naalakkersuisoqarfik KNR-imut nalunaarpoq mingutitsisimaneq pillugu nalunaarusiaq immikkut ilisimasalittamik misissoraat. Taakku naliliinerisa inernissaa utaqqeqqaarlugu Danmarkimi Illersornissaqarfiup illuutaanik aqutsisoqarfiup nalunaarutaa isummerfiugiumaarlugu nalunaarput.
