Ingasattumik målikattut
Arnat arsaallutik pissartanngorniunneranni ullup aappaasaa unammisoqarmat pissanganartorsisoqanngivippoq. Unamminerit pingasut ingerlanerinnaanni 54-riarluni isertitsisoqarnera imminermini oqaluttuareerpoq.
Siullermik aaqqissuisut NÛK Nuummeersut K-33-mut Qaqortumeersumut 35-0-mik ajugaavoq unamminerullu aappaani Disko 76 Qeqertarsuarmeersoq T-41-mut Aasianneersumut 14-0-mik ajugaalluni.
Unamminerit pingajuat naligiiffiunerumaarpoq taamaattoq nalunanngereerluni kikkut ajugaajumaarnersut tassanilu I-69 Ilulissaneersoq aamma B-67 Nuummeersoq unammipput I-69-ilu tassani 4-1-mik ajugaavoq.
Marlunngornermi angusat najoqqutarlugit I-69 aamma Disko 76 pulje 2-miit semifinalemut anngupput. Puljellu aappaani NÛK aamma KB-84 Kangaatsiameersoq semifinalemut anngupput.
Pingasunngornermi angusat aalajangerumaarpaat kikkut puljeni ajugaasuujumaarnersut kiisalu T-41-up K-33-illu unammineranni paasinarsiumaarpoq kikkut normu 5-nngorniunnermi K-33-mut Qaqortumeersumut unammissanersut.
Angutit inuusuttut U-18 Aasianni unammersuarneranni Kingmek 45 tupaallaataavoq.
Kingmek 45 aamma B-67 ippassaq pissanganavimmik unammipput muminnermilu tamarmik marloraaqqallutik. Unammineq naammassimmat Upernavimmiut ajugaapput 4-2-mik. Taamaasilluni Kingmek 45 semifinalemut annguppoq. Taamatuttaaq puljep aappaaniit Nagdlúnguak Ilulissaneersoq semifinalemut annguppoq N-85 Narsameersoq ippassaq 2-1-mik ajuugaaffigalugu.
Aajuku arnat unammineranni angusat:
NÛK - K-33 35-0
T-41 - Disko 76 0-14
I-69 - B-67 4-1
Aajuku pingasunngornermi unamminissat:
Nal. 15.00 I-69 - Disko 76
Nal. 17.00 KB-84 - NÛK
Nal. 19.00 T-41 - B-67
U-18-ni angusat:
Kingmek 45 - B-67 4-2
T-41 - NÛK 7-2
FC Qassutit - K-33 1-18
Nagdlúnguak - N-85 2-1
Pingasunngornermi unamminissat:
Nal. 13.00 B-67 - FC Qassutit
Nal. 15.00 Nagdlúnguak - NÛK
Nal. 17.00 Kingmek 45 - K-33
Kl. 19.00 T-41 - N-85
