Ineqi: Politikerit qanoq KNR-mut akuliutsigisinnaappat
- Inuiaqatigiinnut annertinerisimik apuussisarsinnnaaneq qanoq annertusarneqarsinnaanera anguniarpara, tas imaasinnaavoq aningaasaliinerunikkut, kisianni uani apeqqutaasissaagami qanoruna akulerussinnaasugut, Siumut sinnerlugu Inatsisartuni ilaasortaq, Ineqi Kielsen oqarpoq.
Aamma atuaruk Qarmasissialiorfik uummarsaqqikkusukkaa
Inatsisinili allassimavoq, politikerit aammalumi KNR-mi siulersuisut tusagassiornikkut tv-p radiollu imarisaannut sunniiniarsinnaangitsut.
- KNR-ip sulinini tassa tusagassiortut sulinerat, Naalakkersuisut Inatsisartut, uagulluunniit siulersuisuni ilaasortat toqqaanartumik sunniuteqarfigisinnaangilarput, tassa oqarfigisinnaangilagut ima annertutigisumik ukunannga aallakaatitsiniaritsi ima imalinnik, KNR-ip siulersuisuini siulittaasoq, Nukaraq Eugenius oqarpoq.
Aamma atuaruk Siumumit qinigassanngortittoq: Ilinniartut atugaat pitsanngorsarusuppakka
Ineqi Kielsenip apeqquteqaammini ilaatigut kissaatigaa, aallakaatinneqartartut ilaneqarnissaat. Tamannali aamma immikkut malittarisassaqartoq, KNR-imi siulersuisut siulittaasuata oqaatigaa, tassa qanoq sivisutigisumik KNR-i aallakaatitsisoqassanersoq innuttaasunut sullissinermi isumaqatigiissutigineqartarmat.
- Tassami taassuma iluani soorlu ukiumut akunnerit qassit nutaarsiassalerinermut atorneqassanersut taassuma isumaqatigiissutip iluani sinaakkuserneqarsimasarput, Nukaaraq Eugenius oqarpoq.
Aamma atuaruk Nivi Olsenip atuarfinni pisortat avoqqaarai
Politikerilli tusagassiorfiup KNR-ip aallakaatittagaanut sunniiniartarnerat aatsaat misigineqalinngitsoq, tusagassiornermi ilinniarfimmi pisortaq, Naja Paulsen oqarpoq.
- Qinikkatut ilikkartariaqarput tunngaviusumik pissutsinut atuuttunut akulerunnaveersaarnissaq, imaappoq soorunami KNR-i aningaasaqarnera pingaarnerusutut qanoq ingerlassanersut Inatsisartuni aalajangerneqarsinnaavoq, kisianni ulluinnarni akisussaaffik siulersuisunut pisortanullu tunniunneqarnikuusoq taakkua aqutassaat ilikkartariaqarpaat, tusagassiornermi ilinniarfimmi pisortaq, Naja Paulsen oqarpoq.
Aamma atuaruk Nunatsinni ineriartortoqarnissaa Vittup takusinnaanerarpaa
Taassuma kissaatigaa tusagassiuteqarneq pillugu nassuiaat, Naalakkersuisunit 2010-mi saqqummersinneqartoq, oqallinnermi qaqinneqaqqittariaqartoq.
