Assi: Boegh/Flickr Creative Commons

Inatsit tuaviuussaq tusarniaassutigineqassasoq

Nuummi Ilulissanilu mittarfiit tallineqarnissaannut, Qaqortumilu timmisartunut mittaliorfiliornissap aningaasalersorneqarnissaannut inatsisip qulakkeerneqarnissaannut tusarniaasoqassaaq, taama allaaserisaqarpoq aviisi Sermitsiaq.ag nittartakkamini.

Inatsisissatut siunnersuut Naalakkersuisut siunnersuutaat, inatsisartut ukiakkut ataatsimiinneranni, sapaatip akuunnerani kingullermi oqaluuserissanngorlugu ilanngunneqarpoq,  uanilu sapaatip akunnerani  inatsisartut ataatsimiinneranni siullermeerneqassaq aamma aappassaaneerneqassalluni kiisalu inaarutaasumik pingajussaaneerneqassalluni.

Siunnersuutigineqartumi pineqartut tassaapput mittarfiliornermi sulisorineqartut avataaniit tikisinneqartut  nunatta karsianut akileraarutinut akiliisarnissaat, taakkua 3,6 milliarder koruuninik isertitsissutaanissaat missingiunneqarluni.

AAMMA ATUARUK Inatsit tuaviortup mittarfiit aningaasalerneqarnissaat qulakkiissagaa

Inatsisissatut siunnersuut kommunenut tusarniaassutigineqarsimanngilaq, taamaattumillu siunnersuut pillugu KANUKOKA-p siulittaasuata Simon Simonsenip isornartoqartillugu  Sermitsiaq.ag-mut oqaaseqarpoq.

Tusarniaaneq akunnernik arfineq-marluinnarnik sivisussuseqartoq

ommunenut tusarniaassutigineqarnissaanut Naalakkersuisut isumaat allanngorsimavoq. Aviisimi Sermitsiaq ag-mi allaaserineqartoq naapertorlugu   
inatsisissatut siunnersuutip kommunenut tusarniaassutigineqartussanngorlugu  ataasinngornermi ullaakkut qulingiluat  missaanni nassiunneqarpoq, akunnerillu arfineq marluk periarfissaralugit akisussanngorlugit.

Aviisimi allaaserineqartoq naapertorlugu, aningaasaqarnermut akileraartarnermullu Naalakkersuisoqarfik neqerooruteqarpoq ataatsimeeqatigineqarnissamik,  tusarniaassutigineqartut mississorneqarnissaannik  kommunit tamanna kissaatigissappassuk.

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!