Inatsisissatut siunnersuummi siunertarineqarpoq suliffeqarfiit pisortanit pigineqartut suliffeqarfiilluunniit aqqaneq marlunnik sulisoqartut ilinniartumik ataatsimik atorfinitsitsisarnissaat.

Inatsisissatut siunnersuummi praktikerfissat qulakkeerniarneqarput

Inatsisissatut siunnersuut Naalakkersuisunit saqqummiunneqartussap inuusuttorpassuit untritilikkaat ukiuni aggersuni suliffissaqarnissaat qulakkeerniarneqarpoq

Inuusuttut untritilikkaat ukiuni aggersuni suliffeqalernissaannik qulakkeerinnittussamik Naalakkersuisut inatsisissatut siunnersuummik upernaamut saqqummiussissapput.

Qaasuitsup Kommuniani inuusuttorpassuit unittooqqasut, KNR-imi pingasunngornermi oqaluttuarineqarpoq.

Ajornartorsiut nunarput tamakkerlugu ajornartorsiutaavoq.

Tamanna Suliffeqarnermut Naalakkersuisup Vittus Qujaukitsup qanoq iliuuseqarfiginiarpaa.

Ilinniartut suliffeqarfinni namminersortuni aamma pisortat ingerlataanni praktikkerfeqarnissaat ilinniarnerminnillu atatillugu suliffeqarnissaat Naalakkersuisut Inatsisissatut siunnersuutiginiagaanni qulakkeerniarneqarpoq.

Inatsisissatut siunnersuut siorna ukiukkut inatsisartuni saqqummiunneqartussaagaluarpoq,upernaamulli inatsisartut ataatsimiinnissannut kinguartinneqarnikuulluni.

Inatsisissatut siunnersuutip inatsisartunut saqqummiunneqarnissaa sioqqullugu sulisoqarnermut illuatungeriit kommunit naalakkersuisoqarfiillu oqaloqatigineqarnissaat siunertaavoq inatsisissap inaarutaasumik ilusilersorneqarnissaa pillugu.

Suliffeqarfiit pisortanit pigineqartut suliffeqarfiilluunniit aqqaneq marlunnik sulisoqartut ilinniartumik ataatsimik atorfinitsitsisarnissaat Inatsisissatut siunnersuutissami siunertarineqarpoq.

Oqartussaasulli praktikkerfissatut akuerineqarsimanngikkunik ilinniartunik praktikkertunilluunniit atorfinitsitsinissamut pisussaaffeqassanngillat.

Suliffeqarfiit namminersortut ammasumik neqeroortitsinermi ilinniartuuteqartut praktikkertuuteqartullu bonuseqartinneqartalernissaat inatsisissatut siunnersuutissami aamma siunertarineqarpoq.

Inatsisissamut siunnersuummi ilinniartut 400-it ukioq 2022-ip tungaanut praktikkerfeqalernissaat qulakkeerniarneqarpoq.

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!