ASSIT Inatsisartut Naalakkersuisullu akuerineqarput

Naalakkersuisunut ilaasortat Inatsisartut inissitsiteriffiusumik ataatsimiinneranni ataasiakkaarlugit akuersissutigineqareernerisa kingorna Siumup, Demokraatit Atassutillu naalakkersuisuutitaat maanna pisortatigoortumik akuerineqarsimalerput.

Nuuk anorersuartorsuusoq Inatsisartunut Naalakkersuisunullu ilaasortat katillugit 38-usut Inatsisartut ataatsimiittarfianni katersuupput siulittaasullu, naalakkersuisut ilaasortallu akuerineqarlutik.

Ataatsimiinneq pilersaarutigineqartutut ingerlavoq, Lars-Emil Johansen Siumumeersoq Inatsisartut siulittaasuattut qinigaaqqippoq Naalakkersuinullu ilaasortat tamarmik aamma akuerineqarput.

Partiilli illuatungiliuttuusut Inuit Ataqatigiit Partii Nalerarlu katillugit 13-iusut Kim Kielsen Naalakkersuisut siulittaasussaattut taasissutigineqarmat taaseqataanngillat.

Inatsisartunut ilaasortat Namminersorlutillu Oqartussani atorfilittat qullersaasut Hans Egedep Illuani ullaap tungaani kaffisoqatigiipput. 16 m/s-inillu anorlertoq politikerit Annaassisitta Oqaluffiani naalagiaqatigiinnissamut bussimik ingerlanneqarput.

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!